كيف ارضيك

لى أمي و كل أم
أهدى هذا النص
يا أمى كيف أرضيك حقك كتير بالحيل
لو ليك وهبت الروح يا أمى برضو قليل
لو جابو ريد الكون ختوهو فى الميزان
ومعاهو ريدك لى جابوهو برضو كمان
يا أمى من غير شك ريدك بكون رجحان
شان يمه حبك لى نابع من الوجدان
المولى فى كتبو يا أمى وصى عليك
ونبينا قال للناس الجنه عند قدميك
ورينى يا أمى يا غاليه كيف أرضيك
لو ليك وهبت الروح شايف مقصر فيك
يا أمى طول عمرى طالب عفوك ورضاك
يا أغلى من الروح فى طبعك انتى ملاك
شلتينى يمه صغير ورضعت يمه هواك
كيفن أرد الدين غير بالعمر أرعاك

قمه في الابداع
يسلمووووووووووووووو

غاية الروعه

الله يحفظ امهات الجميع ..

مشكووووووووووره لاآآ عدمنااك..