منتدى النقطه الساخنه

يا شباب منتدى النقطه الساخنه ده ما ساخن لازم يسخن بي مشاركاتكم ال من نوع خاص يعني عايزين اسئله خاصه اكتر .
الفهم كالاتي اي زول من اعضاء المنتدى يوجه سؤال لشخص معين وعلى الشخص اللي وجه ليو السؤال ان يجاوب وبكل صراحه .

وانا بوجه سؤالي لي الادمن . يا ادمن سؤالي كالاتي : انت عرفت كم بنت في حياتك لو ما متذكر بالتحديد قول لينا الاجابه بالتقريب .

بعدد شعرك راسك
هههههههههههه

حقيقه انا ما بعرف غير بنات منتدانا
وما بعرفن كلهم
لاني بعرف الانا دعيتم للمنتدي بس

وانت يا شاعر زمانك؟

والله يا ادمن يا اخوي انا ما بعرف بنات كتير لانو انا اصلا ما بعرف اي بنات عندي مواصفات محدده لاي بنت اعرفها سواء صديقه او لا مؤاخزه حبيبه ان شاء الله اكون وفيتك في الاجابه دي وقطعت ظنونك .

وسؤالي لي ملاك الروح وهو بيقول : هل تعتقدين ان العلاقه بينك وبين حبيبك ستستمر ام انها محطه تعدين منها ؟

يا شباب الموضوع ده خمر عديــــــــــــــــل كده نحزفو ولا شنو؟

عموما الموضوع قائم لو اي زول عندو سؤال لاي عضو يسال
اوكي؟

سؤالي لي بنت ابوها:
سبق وقلتي في موضوع(حصل حبيت)
الحرف الاول من اسم حبيبك
ممكن نعرف الاسم كله؟
لو ما فيها احراج
وما فيها زعل مني

والله يا الزعيم باآآآآآآآآآآآآآآلغت معاي شديييييييد صراحة ما بقدر اقول لانه خايفه ناس يتضايقوا او يتحسسوا من الحكايه دي فخليها بالنيه ساااكت ..


طيب تعال النسعلك انت..حسب اجابتك اتضح لي انك ما حبيت ممكن نعرف السبب ولا مافي وحده ماليه عينك؟؟

والله فكرتك لذييييييييييذه شدييييييييييد لو عارفه ف موضوع زي ده بهنا كان جيت زمااان.... <<شمارات وكده

تسلمي يا بنت ابوها علي المجامله الجميله دي لكن شكلو الموضوع ده ما عجب الناس
عموما سؤالك صعب حبتين لانو انا لو قلت مافي بنت ماليه عيني ح اكون ظلمت بنات كتير محترمات وبالجد يملوا العين لكن ممكن نقول لسه ما لقيت بت الحلال .
انا ما ح اسال زول بعد ده ح اخلي الناس علي كيفهم يسالوا بعضهم .
اوكي؟

لا بالعكس والله موضوعك لذيييييييذ ..والماعاجبه ما يجاوب عادي ..ويا ريت تنورنا باسئلتك..
طيب سعال تاني ليك ليه كاتب ف الموقع ف قلب حبيبتي؟؟؟؟؟؟؟!!!

ما فهمت سؤالك لو سمحتي وضحي سؤالك

والله يا بنت ابوها انا ما استوعبت سؤالك كويس زي ما قال المايسترو لكن انا ح اجاوبك علي حسب الشي الفهمتو



حقيقه ده اصعب سؤال لاقاني في مسيرتي داخل النت لكن انا كاتب كده عسى ولعل تكون دي هي الحقيقه في قلب حبيبتي ان شاء الله اكون وفيتك بي الاجابه دي لانو انا زي ما قلت ليك ما استوعبت السؤال كويس.

لالا تمام التمام استوعبت كويس ..بس يا ريت كمان انتوا تسعلوا ..

شكرا يا بنت ابوها علي السؤال الصعب ده لكن انا سؤالي الجاي بوجهو لي العضو حبيب الروح
انا عارف انو ح يحاول يتجاهل وح يحاول انو ما يرد لكن نحن ح نضغط عليو عشان نعرف الاجابه الصحيحه انا وانتي يا بنت ابوها لاني شايفك الوحيده البتشاركي معاي هنا اوكي؟
السؤال سهل جدا وبسيط وبيقول
اول حرف من اسمها شنو؟

يا ادمن انت لمن كتبت الرد ده كنت شارب شامبيون ولا شنو ؟
عموما مرورك اسعدنا

اول حرف من اسم منو يا ادمن بعدين كلام الزعيم شكله صح

طيب خلينا نسعل العضو البعدي شنو اكبر صدمه جاتك ف حياتك؟!!

أكبر صدمة كانت من واحد هنا ,,
و لو حب يتكلم عنها أنا ما عندي مانع

المهم

سؤالي ,,, من رأيك ينفع واحد يحب اتنين في نفس الوقت ؟؟

الف بعد الشر عليك من الصدمات وبعدين ده منو الغدار الصدمك اكبر صدمه ده؟ ده يستاهل الضرب بالجزم

بالنسبه لي سؤالك من رايي انو صاحب بالين كضاب مع احترامي ليك يا لصمتي حكايه لكن ما اظن انو الحكايه دي جميله حتى في حق الشخص اللي بيحب اتنين ده زاتو.
ويا حبيب الروح ما رديت علي سؤالي مالك؟

سلاااااااامتك من الصدمات يا لصمتي حكاييه قولي لينا ده منو ندقوا ليك
اها يا حبيب الروح الناس ديل شكلهم كرهوك عيشتك

لا ولا جزم ولا ندقو ليك
عادي يا جماعة ما يكبر الموضوع بس

هههههههههههه

عليك لمبة يازعيم

اسأل سوعال عوير :نفسك تقول لي شنو !!!!

نفسي اقول ليك امممممم يا بت انبسطي و ما تدي اهميه لاي شئ اضحك للدنيا تضحك لك ..


طيب البعدي شنو اكتر شئ ندمت انك قلته ولا عملته؟؟

ثاانكس بنت ابوها ,,, كلك فهم كلك نظر
جوابي على سوعالك
لما اخدت شي ما كان من حقي

سوعالي يقول ,, شنو اكتر حاجة بتفرحك لما تفكر فيها ...؟

اني هجي السودان بعد 3 اسابيع واخييييييييييييييييرا ..
طيب البعدي شنو اكبر احلامك؟؟

انا اكوم رجل ناجح
واعيش في هدوء وراحه بال
السؤال:
هل ندمت يوما علي معرفتي؟؟؟

ده سؤال يا مايسترو يا اخوي؟ بالغت عديل طبعا انا ما ندمت في يوم عليك

واعزريني يا حكايه لاني ما رديت علي سؤالك لانو الحقيقه انا ما شفتو الا اسي
وسؤالي هو : من هو الشخص الذي لا تتمنى ان يكون في حياتك وهو موجود فعلا في حياتك؟

مافي اي شخص ما بتمنى وجوده ف حياتي والحمد لله..
طيب البعدي ..اممممممممم قول لينا حاجه ممن نتصدم لما نعرفها عنك؟<<بصراحه..

والله يا اميرة المنتدى انا ما عندي حاجه ممكن تصدم زول لكن ممكن نخلي سؤالك قائم الى ان يلقى مجيبا لكن ما اظن في زول ح يجاوب عليو لانك صعبتيها شويه .
انا ما ح اسال ح اخلي زول يجاوبك علي سؤالك يا بت ابوها

m3lish ya a5wana kan 93bnaha as3loa s3al tany

نسالك سؤال زي سؤالك ولا ندردش معاك ؟
عموما الموضوع ده معمول اصلا عشان الاساله الصعبه والحكايه ما دايره تاسف يا اميره.
وقبل ما اديك سؤال ح اجاوب علي سؤالك: انا ما بحب الحب وبالمناسبه التصريح ده ما اتكتب قبل كده ولا حتى في الورق .
وسؤالي ليك انتي يا بنت ابوها يمكن يكون صعب شويه لكن اختياري: انتي شكلك دايره تتسالي سؤال محدد لكن نحن ما دايرين نعرف السؤال دايرين نعرف الاجابه بس .

da t9re7 7sre lena bs

ana ma f7mtk qsdk eno ana 3nde s3al 3ayza 7d ys3loa ly??

اي

la la leh shno al5lak tfkr keda?? ent lo 3ndk s3al as3l

جيييييييييييييتكم بالاسعلة ,,

البيشوف السوعال يجاوب ما يفوت
ما حنكلم زول
كزبت كم مرة الليلة ؟

هههههههههههههههههه بالغتي ..يعني ما كتير البتزكرو مرتين لاكين ضرووووره والله

طيب البعدي كم مره ادقيت ؟؟

مرتين !!! دة البتتزكريه , وغير الما متزكراهو كمان !! _ ههههههههههههه ولله حالات

كم مرة اتدقيت !!! اممممم يعني دقة دقة قوية دي كانت مرة وحدة بس غير كدة ما بتدقة


طيب سوعالي
شنو الحاجة الممكن تخليك تبكي كل ما تتزكرها _ سوعالي ما حيتلغي و مافي باس

اني ما هعيد ف السودان
طيب بما انه بكره العيد اممممم منو اكتر شخص بعيد عنك وتتمنى انه يكون جنبك ف العيد؟؟!

والله يا بت ابوها كل حبايبنا وقرايبنا وكل اعضاء منتدى احباب عيني الاعزاء تهنئه خاصه لهم بمناسبة عيد الفطر المبارك اعاده الله علينا وعليكم بالخير واليمن والبركات .

وسؤالي للعضو الجاي او العضوه الجايه هو : هل تعيش او تعيشين قصة حب في هذه الايام؟؟؟

لالالا انا ثابته ع رأيي لا ثم لا للحب ما زي ناس غيروا رأيهم <<عارفين نفسهم يا بت ابوها

اها سؤالي قول لي اسم بت\وللد معجب بيهو من غير ما يكون عارف ؟؟مافي تهرب