يا ضلنا

    يا ضلنا المرسوم على رمل المسافة                
    وشاكى من طول الطريق
    قول للبنيـّة الخايفة من نار الحروف
    تحرق بويتات الفريق
    قول ليها ما تتخوفى
    دى النسمة بتجيب الأمل
    والأمل بيصبح رفيق
    والأصلو فى الجوف إندفن
    لا بتنسى .. لا بنمّحى
    لا بنتهى منو الحريق
           ********
    والفينا من آهات أليمة
    فى حكاوينا القديمة
    لا بيرحل عن عيونـّا
    ولا بتغشاهو الهزيمة
    والقبيل راجِنو نحن
    يوم تبشـِّر بيهو غيمة
    لما تمطر يوم علينا
    الفرح يملا المدينة
    والبلودات الحزينة

ياالله !! نمشي وين احنا بعد دة !!

ما ننحرممممشي الإبداعاااات

تمشي وين يا حكايه خليك قاعده البيت بيتك
عموما البوست ده للرائع المبدع النجم اللامع الفنان الشامخ مصطفى سيد احمد

مشكوره يا خكايه علي المرور

جد مبدع يسلم قلمو و كيبوردك