مسطول بصلي براهو في صلاة العصر فاتتو ركعتين ....
سكران ماشي لي صاحبو قام الوصف راح ليه لقى ليه ولد من اولا الحلة ... قال : يا ولد بتعرف بيت محمد وين ؟؟ الولد : شفت الشارع ده تمشي بيه طواااااااااالي لحدي ما يلاقيك بسط الامن الشامل تخش معاهو يمين وتمشي طواااااااالي بلاقيك بيت اللواء خليه وامشي طوااااالي لحدي ما يلاقيك قسم الشرطة البيت فاتح فيه قام السكران عاين لي الولد مسااااافة قال ليه : عليك الله اسع زول شارب ليه كركدي بيمشي بي شارعك ده ؟؟؟ ....
اتنين مساطيل واحد فيهم قال لي التاني يا فردة تصدق محمد جاه اللوتري التاني : اوع يكون اتعوق ؟؟ ....
مسطول جاتو فاتورة الموية تلاتة مليون ... قال ناس الموية اكيد كتبو لي مطرة امبارح دي في الحساب .......
خروفين مساطيل سطلة شديدة الاول قال لي التاني باااااااع التاني قال ليه والله شلتها من لساني ........
مسطول خشا الغابة قام سكاهو اسد قام جرا والاسد وراه وجاري والاسد برضو وراه لمن تعب قام وقف قال لي الاسد تعال اكلني تاكل السم ......
مسطول بتاع حركة وقفو قال ليه يا اخينا انت ما رابط الحزام مالك ؟؟؟ المسطول : لاحولاااااا بالله انا لابس بنطلون ؟؟ ......
اتنين مساطيل بتفرجو على كورة قام المذيع بيعلق هناك دربكة في خط الوسط هناك دربكة في خط الدفاع وهناك دربكة في خط الـــ18 وقووووووووووووون قام المسطول قال لي صاحبو الظاهر دربكة ده لاعب خطير سجلو متين ؟؟ ........
مسطول نايم بي مزاااج الباب دق قام من السرير لما وصل الباب فتحو ما لقى زول قال ده ( مس دور ) وله شنو ؟؟؟
مسطول مشى الصيدلية قال لي الدكتور بالله اديني حليب اطفال الدكتور اسمو شنو ؟؟ المسطول : اسمو لؤي ......
واحد سكران قعد في المواصلات جنب بت شينة قامت عاينت ليه وقالت : سكرااااان .... قال ليها : اي سكران لكن سكرتي دي بتفك لكن شناتك دي البفكها شنو ؟؟؟
عمك سكران ركب ليه حافلة مليانة فل واقف في الباب كده جاه ولد قال ليه يا عمك الحافلة دي ماشة وين ؟؟ السكران عاين ليه كده وقال ليه : قووووول ماشة بيتكم حاتركب وين ؟؟
مسطول سايق العربية ماشي يوصل ابوه مشوار وهو ماشي بي العربية فوت اللفة ابو قال لي يا ولد لف ..... الولد قال لي ابوه : يا ابوي لف انت ماشايفني سايق ؟؟؟
مسطول قاعد قدام باب البيت والمطرة شديدة والمسطول متكيف من المنظر بتاع الموية قدام باب البيت قام جاهو واحد بي عربية قال ليه اعدي بي هنا مافي
مشكلة ؟؟؟ المسطول : خش عادي مافي اي مشكلة قام الزول خش بي العربية قام لاقتو ليك حفرة غرقت العربية قام طلع من الموية زعلان تغش علي انا وتقول لي مافي مشكلة ..... المسطول : والله يا فردة اسع قبل خمسة دقايق جات بطة مشت عاااااادي ...
مسطول جاه يصلي جماعة مع ناس في زاوية والفرش كان برش ........ الصلاة لما خلصت الناس طلعت والامام قاعد والمسطول غلبو يقوم قام الامام بلف في البرش قال لي المسطول يا ولدي لفها المسطول يا مولانا انت جادي ؟؟؟
مسطول بتسطل في السطوح بي مزاااج قام وهو لافي كده جا واقع من فوق في الارض طاااااااااخ ناس الحلة اتلمو .... لاحول الله ... الحقو الزول .... يازول خير في
شنو ؟؟؟ المسطول قام يتنفض والله ماعارف انا اسع جيت في شنو ؟؟
مسطول دخل عليه عزرائيل قال ليه انا ملك الموت .... المسطول : ياخ لبشتـــنا انا قايلك مباحث ؟؟؟
اتنين مساطيل واحد سايق والتاني قاعد جنبو ... ماشين في الطريق قام واحد فيهم بقى يكورك في التاني يا فردة الشجرة التاني يقول ليهو شايفا قربو تاني شوية قام قال ليهو يا فردة الشجرة قال ليه ياخ شايفا شغالين كده لحدي ماركبو الشجرة لما نزلو لقو البقول الشجرة هو الكان سايق العربية ...
خمسة سلاحف بتسطلو قال يمشو يعملو رحلة شالو معاهم الاكل والحلة واللحمة والسلطة وماشين للغابة عشان يصلوها في سنتين لما وصلو بعد سنتين لقو نفسهم نسو العيش قامو رسلو واحد منهم استنوه السنة الاولى ماجا السنة التانية ماجا قام واحد فيهم قال يا جماعة الزول ده اتأخر نقوم نحن ناكل بدون عيش قام صاحبك الرسلوه طلع من تحت الشجرة قال عشان عفانـــتـــكم دي انا ما مشيت .....
مسطول مالقى تلفونو قام شال تلفون صاحبو رسل مسج لي تلفونو انت وين انا ما لاقيك ؟؟؟
مسطول انقلبت بيهم الحافلة الجنبو شلاليفو اتقطعت قام المسطول عاين ليه قال ليهو عليك الله الناس في شنو وانت قاعد تضحك ؟؟؟
ان شاء الله النكات دي تعجبكم وتضحكم
الثلاثاء أبريل 20, 2010 8:14 am
