في انتظارك يا بنيه
في النتظارك يا شقيه
في انتظار ريدتنا ترجع
وتبقى اقوى من القويه
وتبقى في دنيتنا اقوى
من هواجسنا الغبيه
القى في لقياك راحتي
والقى في بعدك اسيه
جد بحبك بس بعرفك
اصلو ما بتنسي الاسيه
ولا بتنسي الريده ديك
لا عيونك ح تبقى لي
بس بقاوم شان عيونك
شان عيونك هي الزكيه
شان هي صورتك في دواخلي
قاعده في ضل الاسيه
جد بحبك جد لانك
ماك واحده انتي ميه
وميه قاعده في قليبي
عامله زي التسعميه
ارحميني يا بنيه
وقربي لي جاي شويه
واعملي ريدتنا حلوه
زي حلاوة المغربيه
نبدا قصة حب جديده
بي غلاوتك في عيني
ونهدي ريدتنا القديمه
لكل عاشق عندو نيه
انو يرحل عن حبيبو
ويبدا في رحله شقيه
وفي الحلم كنت بشوفك
وكنتي في بالي نديه
وكنتي زي شزكة عواطف
طاعنه في قلبي الاسيه
وكنتي يا دنياي راحتي
وكنتي يا دنياي حيه
في قليبي وفي دواخلي
والبيقول ليك حاجه نيه
اصلو ما يرجاني تاني
ما ح يفلت من ايدي
شباب القصيده دي بالدارجي يمكن تلقوا صعوبه في قرايتها لكن بتمنى تنال اعجابكم وشكرا
الأحد مايو 09, 2010 4:26 am
